الرئيسية
اتنفسى ....
اتكلمى ......
بكل وجعك اكتبى
تاريخ جديد
ميلاد جديد
لعهد تانى
كان بعيد
ثوره بشهادة التاريخ
سطور كتبها احلام شهيد
ودمع ام غرّق كفن طفل وليد
وبرد ومطر
ويأس وامل
وصوت بيعلى
وصمت انتحر
وفى النهايه
الوهم انكسر
والحلم انتصر
على انتصارنا فى الف عين متربصين
قالوا التنحى ده عيب وشين
قالوا التنحى معناه رجال تلبس طرح
نسيوا ان الطرح فيها الشهدا متكفنين
ثورة بشهادة التاريخ
خلاص انتهى وقت الحساب
من النهارده تاريخ جديد
لسه الحلم ده وليد
بعد الاراده
آن الاوان
نحس بامان
نوعى لروحنا
نضمد جروحنا
نكتب شهاده لميلاد جديد
يامصر خلاص اتنفسى
اتكلمى
وبكل وجعك اكتبى
ثورة ولادى
بأيد ولادى
ولا عمرى ها ارضى بغيرها ايد
توبك خلاص بايد ولادك اتغزل
لونه اخضر بلون الامل
عطره عنبر
خيوطه مرمر
تستاهلى واكتر
ثوره بشهادة التاريخ
باطمنك
ماتخافيش
كل واحد مننا
عهده يكبر حلمنا
يبنى فيكى
اى شىء غير وجودك
مايساويش
واللى يضرك ولا يمسك
ثوار شبابنا
اسود بتزأر
جابوا حقك
وهايصونوا ارضك
ويردوا عنك
كل طيش
اوعى تبكى يا امنا
الدمعه منك تهزنا
حقك تغنى بفرحنا
تنادى فى الكون
مين زىّ انا ؟
ثوره وبشهاده التاريخ
صنعها رجال اتحدوا التاريخ
وعدوكى وعد
قطعوا عهد
من النهارده
هاتتنفسى
هاتتكلمى
هاتتبسمى
بحق ثوره
بشهاده التاريخ
آحٍّسٌِِّآسٌِِّ جًِْمًيَل آنْ تُِِّْجًِْدًٍ نْفْسٌِِّكَ
بٌَِعًٍدًٍ بٌَِحٍّثٍْ طُْوٍيَل عًٍنْهٍَآ
آحٍّسٌِِّآسٌِِّ مًرٌٍيَرٌٍ عًٍنْدًٍمًآ تُِِّْفْتُِِّْقٌٍدًٍ
نْفْسٌِِّكَ بٌَِعًٍدًٍ آنْ وٍجًِْدًٍتُِِّْهٍَآ
وٍهٍَكَذٍَآ كَآنْ لقٌٍآئى بٌَِيَكَ
